Oktober 26

በኢትዮጵያ ባንኮች ማህበር አስተባባሪነት "አንድ ጫማ ለአንድ ተማሪ "በሚል 35.3 ሚሊዮን ብር ድጋፍ አደረጉ

የአዲስ አበባ ምክትል ከንቲባ ወ/ሮ አዳነች አቤቤ ዘንድሮ " አዲሱን አመት በአዲስ ተስፋ ብርሃን!!! " በሚል ንቅናቄ ህብረተሰቡ በአብሮነት ያለውን በማካፈል እንዲሣተፍ ጥሪ ማቅረባቸው ይታወሣል።ከዚህም በዋናነት ለተማሪዎች ብሩህ ተስፋ ማሣየት አንዱ ሲሆን አቅም ለሌላቸው ተማሪዎች ምገባ ፤ የዩኒፎርምና የትምህርት ግባትን ከሟሟላት ጎን ለጎን "አንድ ጫማ ለአንድ ተማሪ " በሚል ላቀረቡት ጥሪ ባንኮች በመቀበል ላደረጉት ድጋፍ ልባዊ ምስጋና አቅርበዋል ።

የድጋፍ ዝርዝሩ እንደሚከተለው ይገለፃል።

Oktober 26

"ወጣቱ በመደራጀትና የአካባቢውን ፀጋ በመጠቀም ስራን ሣይንቅ የሚሠራ ከሆነ የለውጡ ባለቤትና ተጠቃሚ መሆን ይችላል" ምክትል ከንቲባ ወ/ሮ አዳነች አቤቤ

የአዲስ አበባ ከተማ አስተዳደር ምክትል ከንቲባ ወ/ሮ አዳነች አበቤ በቦሌ ክፍለ ከተማ ወረዳ 9 በማህበር የተደራጁ ወጣቶችን የሥራ እንቅስቃሴ ጎብኝተዋል።ምክትል ከንቲባ ወ/ሮ አዳነች አቤቤ የብልጽግና ፓርቲ ጽ/ቤት ኃላፊ አቶ መለስ ዓለሙ እና ከቦሌ ክፍለ ከተማ አስተዳደር ምክትል ዋና ሥራ አስፈጻሚ አቶ መኮንን አምባዬ ጋር በመሆን በቦሌ ክፍለ ከተማ በወረዳ 9 በጥቃቅን እና አነስተኛ ተደራጅተው በችግኝ ተከላ፣ክብካቤና በፅዳትና ውበት ስራ ላይ ተሠማርተው አካባቢያቸውን ፅዱና ውብ ያደረጉ ወጣቶችን የስራ እንቅስቃሴ ጎብኝተዋል።