open

የአዲስ አበባ ከተማ ምክር ቤት 31ኛውን ከንቲባ ሾመ  ሁለት ምክትል ከንቲባዎችንም ሰይሟል

  Tuiste/ሚዲያ/ዜና/አስተዳደር/የአዲስ አበባ ከተማ ምክር ቤት 31ኛውን ከንቲባ ሾመ  ሁለት ምክትል ከንቲባዎችንም ሰይሟል

የአዲስ አበባ ከተማ ምክር ቤት 31ኛውን ከንቲባ ሾመ  ሁለት ምክትል ከንቲባዎችንም ሰይሟል

(አዲስ አበባ፣ ከንቲባ ጽ/ቤት) የአዲስ አበባ ከተማ ምክር ቤት ሐምሌ 10 ቀን 2010 ዓ.ም ባካሄደው አስቸኳይ ጉባኤው፣ 31ኛውን የከተማዋን ከንቲባ ሹመት አጽድቋል፡፡ በከንቲባነት ሹመታቸው ያለፉትን አምስት አመታት ሲያገለግሉ የነበሩት አምባሳደር ድሪባ ኩማ የሹመት ጊዜያቸው በማለቁ ኃላፊነታቸውን ለከንቲባ ታከለ ኡማ በንቲ (ኢንጂነር) አስረክበዋል፡፡

 አዲሱ የአዲስ አበባ ከተማ ከንቲባ፤ የምክር ቤት አባል ባለመሆናቸዉ፣ ለጊዜዉ በምክትል ከንቲባነት ተሰይመዉ የዋና ከንቲባነቱን ሥራ  ያከናዉናሉ፡፡

 በተያያዘም ምክር ቤቱ የአዲስ አበባ ከተማ አስተዳደር ምክትል ከንቲባ በማድረግ ሁለት ሹመቶችንም ሰጥቷል። በዚህም መሰረት ወይዘሮ ዳግማዊት ሞገስ እና  ሰለሞን ኪዳኔ (ዶ/ር) በምክትል ከንቲባ አድርጎሾመዋል።

 የከተማዋ የቀድሞው ከንቲባ አምባሳደር ድሪባ ኩማ ሀምሌ 2 ቀን 2005 ዓመተ ምህረት የአዲስ አበባ ከተማ አስተዳደር ከንቲባ ሆነው መሾማቸው የሚታወስ ሲሆን፤ ያለፉትን አምስት ዓመታትም ከተማዋን በከንቲባነት ሲያገለግሉ ቆይተው የአገልግሎት ዘመናቸውን ማጠናቀቃቸውን ተከትሎ ነው ስልጣናቸውንአዲሱ ተሿሚ ያስረከቡት።

 የቀድሞው የአዲስ አበባ ከንቲባ አምባሳደር ድሪባ ኩማ በቅርቡ በኢፌዴሪ ፕሬዚዳንት ሙላቱ ተሾመ (ዶ/ር) ባለሙሉ ስልጣን አምባሳደር ሆነዉ መሾማቸዉ ይታወሳል፡፡

 

የአዲስ አበባ ከተማ ምክር ቤት ሐምሌ 10 ቀን 2010ዓ.ም ባካሄደዉ አስቸኳይ ጉባዔው ከሹመቱ በተጨማሪም የተፋሰስና አረንጓዴ አካባቢዎች ልማት ኤጀንሲን ለማቋቋም የተዘጋጀውን አዋጅ መርምሮ  አፅድቋል።

 

 

 

 

 

 

 

 

Read 998 times Last modified on Vrydag, 20 Julie 2018 07:33