open

የአዲስ አበባ ምክትል ከንቲባ ታከለ ኡማ (ኢንጂነር) ለከተማዋ አመራሮች የሥራ መመርያ ሰጡ

  Tuiste/ሚዲያ/ዜና/አስተዳደር/የአዲስ አበባ ምክትል ከንቲባ ታከለ ኡማ (ኢንጂነር) ለከተማዋ አመራሮች የሥራ መመርያ ሰጡ

የአዲስ አበባ ምክትል ከንቲባ ታከለ ኡማ (ኢንጂነር) ለከተማዋ አመራሮች የሥራ መመርያ ሰጡ

 

(አዲስ አበባ፣ ከንቲባ ጽ/ቤት) የአዲስ አበባ ከተማ ምክትል ከንቲባ ኢንጂነር ታከለ ኡማ ለከተማዋ አመራሮች ሐምሌ 12 ቀን 2010 ዓ.ም በአዲስ አበባ ባህልና ቴአትር አዳራሽ የሥራ መመርያ ሰጥተዋል።

 

ምክትል ከንቲባ ኢንጂነር ታከለ ኡማ በምክትል ከንቲባ ማእረግ ከተሾሙት ወ/ሮ ዳግማዊት ሞገስ እና ከኢንጂነር ሰለሞን ኪዳኔ(ዶ/ር) ጋር በጋራ በመሆን ከከተማ፣ ክፍለ ከተማ እና ወረዳ አመራሮች ጋር በዛሬው እለት ተገናኝተው ተወያይተዋል። በውይይቱ ወቅትም ምክትል ከንቲባ ታከለ ኡማ(ኢንጂነር) ለአመራሮቹ የሥራ መመርያ አስተላልፈዋል። ምክትል ከንቲባው ባስተላለፉት የሥራ መመርያም የትኛውም አይነት የመንግስት ስብሰባ ከሥራ ሰዓት ውጪ መሆን እንዳለበት አስታውቀዋል።

 

ምክትል ከንቲባው አክለውም፤ በከተማ አስተዳደሩ በየደረጃው የተቀዛቀዘውአገልግሎ አሰጣጥ በፍጥነት እንዲስተካከል አሳስበዋል። እንዲሁም የከተማዋን ገቢ ለማሳደግ በተጠናከረ መንገድ መሰራት እንዳለበት ምክትል ከንቲባበማብራሪያቸው ጠቅሰዋል።

 

አዲሱ የከተማዋ የበላይ አመራር ከመደበኛው የክትትልና ድጋፍ አሠራር ስልት በተጨማሪ ከሚዲያዎች በሚገኙ ተጨባጭ መረጃዎች ጭምር በመታገዝ የአፈጻጸም ክትትልና የእርምት እርምጃ ለመውሰድ መዘጋጀቱንም አስታውቀዋል፡፡

 

 

 

ኢንጂነር ታከለ ኡማ  የአዲስ አበባ ከተማ አስተዳደር ምክትል ከንቲባ በመሆን ሐምሌ 10 ቀን 2010 . መሾማቸው ይታወሳል። በእለቱ የአዲስ አበባ ከተማ ምክር ቤት ወይዘሮ ዳግማዊት ሞገስ እና ዶ/ር ሰለሞን ኪዳኔንምክትል ከንቲባ ማእረግ መሾሙ አይዘነጋም።

 

Read 997 times