open

አዲስ አበባ ከሁለቱ እህት ከተሞች ጋር ልምድ ተለዋወጠች

  Tuiste/ሚዲያ/ዜና/አስተዳደር/አዲስ አበባ ከሁለቱ እህት ከተሞች ጋር ልምድ ተለዋወጠች

አዲስ አበባ ከሁለቱ እህት ከተሞች ጋር ልምድ ተለዋወጠች

(አዲስ አበባ፣ ከንቲባ ጽ/ቤት) አዲስ አበባ ከተማን የዘመነች ለማድረግ ከፈረንሳይዋ ሊዮንና ከአርጀንቲናዋ ቦነስ አይረስ ከተማ ከ10 በላይ የሚሆኑ ልዑካን ጋር ለአምስት  ተከታታይ ቀናት በትራንስፖርት፣ በአረንጓዴ ልማት፣ በወንዝና ወንዞች ዳርቻ ልማትና በቆሻሻ አወጋገድ እንዲሁም በወጣቶችና  ስፖርት ዙሪያ ሰፊ ውይይት አድርገዋል፡፡

በአምስት ቀን ቆይታቸው የተለያዩ ፕሮግራሞች የተካሄዱ ሲሆን በአዲስ አበባ ከተማ ጋባዥነት ብሔራዊ ሙዚየም እና የደረቅ ቆሻሻ ፕሮጀክትን ጎብኝተዋል፡፡ በተጨማሪም የአዲስ አበባ መሪ ፕላን፣ የአየር ንብረት ለውጥን፣ የወንዝና የወንዝ ዳርቻ ፕሮጀክት የተካተቱ ሲሆን በተለይ በአረንጓዴ ልማት ዙሪያ በሁሉም አካባቢዎች ማለትም በትራንስፖርት መጠቀሚያ አካባቢ፣ በግሪን ኤርያ፣ በቤቶች ግንባታ ዙሪያ፣ በኮንዶሚኒየም  ኮሪደሮች፣ በአየር መንገድ አካባቢ፣ በዩኒቨርሲቲዎች፣ በቤተመንግስት አካባቢ፣ በቴአትር ቤቶች፣ በስቴድዬም አካባቢ የአረንጓዴ ልማት ስራ ለመስራት በፕላኑ ተካቶ እየተሰራ እንደሆነ ተገል፡፡

የአየር የወንዞች ብክለትንና ተያያዥ ችግሮችን ለመፍታት የ20 ዓመት ፕሮግራም ተይዞ በየአምስት ዓመትና በየአስር አመቱ ዕቅድ በመከፋፈል እየተሰራ እንደሚገኝ ተገልጿል፡፡

በመጨረሻም የአዲስ አበባ ወጣቶችና ስፖርት ቢሮ ከአርጀንቲናዋ ቦነስ አይረስ ጋር በእግር ኳስ፣ በአትሌቴክስና በሌሎች ስፖርታዊ ዘርፎች ላይ ውይይት ያካሄዱ ሲሆን ቦነስ አይረስ ኢትዮጵያን በእግር ኳስ  ከፕሮጀክት እስከ ብሔራዊ ቡድን በፋይናንስ፣ በቴክኖሎጂ፣ በቴክኒክና በመሳሰሉት እንደሚደግፉ ገልፀዋል፡፡ በአዲስ አበባ በኩልም ኢትዮጵያ የምትታወቅበት አትሌቲክስ ለቦነስ አይረስ ክፍት በማድረግ አትሌቶቻቸው ወደ ኢትዮጵያ በመምጣት ልምምድ እንዲያደርጉ ጋብዘዋቸዋል፡፡

 

 

Read 286 times Last modified on Donderdag, 09 Augustus 2018 06:57