open

በፈረንጆቹ 2020 ሊጎበኙ ከሚገባቸው 50 የዓለማችን ቦታዎች አዲስ አበባ አንዷ ሆና ተመረጠች

  Tuiste/ሚዲያ/ዜና/ቱሪዝም/በፈረንጆቹ 2020 ሊጎበኙ ከሚገባቸው 50 የዓለማችን ቦታዎች አዲስ አበባ አንዷ ሆና ተመረጠች

በፈረንጆቹ 2020 ሊጎበኙ ከሚገባቸው 50 የዓለማችን ቦታዎች አዲስ አበባ አንዷ ሆና ተመረጠች

 

 

The 50 Best Places to Travel in 2020:-Addis Ababa , Ethiopia

በዓለም ላይ ታዋቂ የጉዞ መረጃ አውጪ ድህረገፅ የሆነው ትራቨል ኤንድ ሌይዠር በፈረንጆቹ የዘመን አቆጣጠር 2020 ሊጎበኙ ከሚገባቸው 50 የዓለማችን ስፍራዎች ውስጥ አዲስ አበባ ከተማን በቀዳሚነት አስፍሯታል።በቅርቡ የዘንድሮውን የሰላም ኖቤል ሽልማትን የተቀበሉት የኢፌዴሪ ጠቅላይ ሚኒስትር ዶክተር አብይ አህመድ በቤተመንግስት አስገንብተው ለህዝብ ክፍት ያደረጉትን የአንድነት ፓርክ የከተማዋን አዲስ ገፅታ መሆኑን ድህረገፁ አስነብቧል።

 

 

በተጨማሪም የማስፋፊያ ግንባታ የተደረገለትን የቦሌ ዓለም አቀፍ አውሮፕላን ማረፊያ እንደደረሱም በከተማዋ ስላለው ፈጣን ለውጥ መመልከት እንደሚቻል ዘርዝሯል
ሌላው የከተማዋ የቱሪስት መስህብ ያለው ድህረገጹ በመካኒሳ አካባቢ የተከፈተው ዞማ ሙዚየም እና በየጊዜው ለህዝብ የሚቀርቡ የስነጥበብ ስራዎች /fine art galleries /የመዲናዋ አዳዲስ ገፅታዎች እንደሆነም አመልክቷል።ድህረገፁ እነዚህን የዓለማችንን ሊጎበኙ የሚገባቸው ስፍራዎች ብሎ የዘረዘራቸውን አካባቢዎች ሲመርጥ፥ የተለያዩ ጸሁፎችን፣ የቱሪዝም ስታትስቲክስን፣ ዋና ዋና ክስተቶችን አዳዲስ የበረራ መንገድ ሰንጠረዦችን እና የሆቴል አገልግሎትን በማጥናት መሆኑን ጠቁሟል።

 

Read 153 times