open

የአዲስ አበባ ከተማ ነዋሪዎች ለታላቁ የኢትዮጵያ ህዳሴ ግድብ የሚያደርጉትን ድጋፍ እና ተሳትፎ አጠናክረው እንዲቀጥሉ ጥሪ ቀረበ

  Tuiste/ሚዲያ/ዜና/መሰረተ ልማት/የአዲስ አበባ ከተማ ነዋሪዎች ለታላቁ የኢትዮጵያ ህዳሴ ግድብ የሚያደርጉትን ድጋፍ እና ተሳትፎ አጠናክረው እንዲቀጥሉ ጥሪ ቀረበ

የአዲስ አበባ ከተማ ነዋሪዎች ለታላቁ የኢትዮጵያ ህዳሴ ግድብ የሚያደርጉትን ድጋፍ እና ተሳትፎ አጠናክረው እንዲቀጥሉ ጥሪ ቀረበ

 

በከተማ አቀፍ ደረጃ የታላቁ የኢትዮጵያ ህዳሴ ግድብ የገቢ እና የህብረተሰብ ተሳትፎ ንቅናቄ ስራ ተጀመረ፡፡መርሃግብሩን በይፋ ያስጀመሩት በምክትል ከንቲባ ማዕረግ የአገልግሎት ሰጪ ተቋማት አስተባባሪ እና የምክር ቤቱ ሰብሳቢ ኢንጅነር እንዳወቅ አብቴ እንደገለጹት ታላቁ የህዳሴ ግድብ ግንባታ ኢትዮጵያውያን ከድህነት ለመላቀቅ የምታደርገውን ትግል እውን ማድረጊያ ፕሮጀክት መሆኑን ተናግረዋል፡፡የግድቡ ትርጉም ከኢኮኖሚያዊ፣ማህበራዊ እና ፖለቲካዊ ጉዳዮች ባለፈ የኢትዮጵያውያን የክብር እና የመተባበር ተምሳሌት ጭምር በመሆኑ መላው የከተማዋ ነዋሪዎች ግድቡ በተያዘለት ጊዜ ተጠናቆ የኤሌክትሪክ ኃይል እንዲያመነጭ ከዚህ ቀደም ያደርግ የነበረውን ድጋፍ አጠናክሮ እንዲቀጥል ኢንጅነር እንዳወቅ አብቴ ጥሪያቸው አቅርበዋል፡፡

የአዲስ አበባ ታላቁ ህዳሴ ግድብ ግንባታ ማስተባበሪያ ጽህፈት ቤት ሃላፊ አቶ ዘመን ጆነዲ በበኩላቸው ከዛሬ ጀምሮ ለተከታታይ ቀናት 10ሩም ክፍለ ከተሞች በታላቁ ህዳሴ ግድብ ላይ የህብረተሰቡን ድጋፍ እና ተሳትፎ ለማጠናከርም የገቢ ማሰባሰብ እና ህብረተሰቡን የማንቃት ስራ በይፋ መጀመሩን ተናግረዋል፡፡በዚህም 500ሺህ በላይ የከተማውን ነዋሪ በተለያዩ የንቅናቄ እና የግንዛቤ ማስጨበጫ ስራዎች በማሳተፍ እስከ 100 ሚሊየን ብር ገቢ ለመሰብሰብ እቅድ መያዙን አቶ ዘመን ጆነዲ ገልጸዋል፡፡

በገቢ ማሰባሰቢያ እና የህዝብ ተሳትፎ መርሃግብር ላይ የአዲስ አበባ ከተማ ምክር ቤት አፈጉባዔ ወይዘሮ አበበች ነጋሽን ጨምሮ የአዲስ አበበ ብልጽግና ፓርቲ ጽህፈት ቤት ምክትል ኃላፊ አቶ ተተካ በቀለ እና የካቢኔ አባላት የተገኙ ሲሆን የአዲስ አበባ መምህራን ማህበር እና አባላት 200ሺህ ብር ቦንድ ግዢ በመፈጸም ድጋፍ አድርገዋል፡፡

 

Read 40 times