open

ሸገር የከተማ አውቶብስ የሙከራ አገልገሎት መስጠት ጀመረ

  Tuiste/ሚዲያ/ዜና/ማህበረሰብ/ሸገር የከተማ አውቶብስ የሙከራ አገልገሎት መስጠት ጀመረ

ሸገር የከተማ አውቶብስ የሙከራ አገልገሎት መስጠት ጀመረ

በዕለቱ የአዲስ አበባ ከተማ አስተዳደር ከንቲባ ድሪባ ኩማ  እንደገለጹት ከተማችን አዲስ አበባ ለነዋሪዎቿ ምቹና ተስማሚ እንድትሆን ብሎም በአፍሪካና በዓለማችን በዘመናዊነታቸውና በአገልግሎት አሰጣታቸው ትልቅ ስፍራ ካላቸው ከተሞች ተርታ እንድትሰለፍ ለማስቻል፤ የከተማ አስተዳደሩ  ከባለድርሻ አካላት ጋር በመተባበር፤ 

በዕለቱ የአዲስ አበባ ከተማ አስተዳደር ከንቲባ ድሪባ ኩማ  እንደገለጹት ከተማችን አዲስ አበባ ለነዋሪዎቿ ምቹና ተስማሚ እንድትሆን ብሎም በአፍሪካና በዓለማችን በዘመናዊነታቸውና በአገልግሎት አሰጣታቸው ትልቅ ስፍራ ካላቸው ከተሞች ተርታ እንድትሰለፍ ለማስቻል፤ የከተማ አስተዳደሩ  ከባለድርሻ አካላት ጋር በመተባበር፤ ዘርፈ ብዙ ፕሮግራሞችንና ፕሮጀክቶችን በመንደፍ በመተግበር ላይ ይገኛል ብለዋል፡፡

 

ከንቲባው አክለውም አስተዳደሩ የከተማዋን የትራንስፖርት ዘርፍ ችግር ለመፍታት ትኩረት ከሰጣቸው ጉዳዮች ውስጥ የብዙሃን ትራንስፖርት አቅርቦትን በጥራትና በመጠን ማሻሻል በመሆኑ፤ የሙከራ ስራውን የጀመረው ሸገር የብዙሃን ትራንስፖርት አገልግሎት ድርጅት በ2 ነጥብ 6 ሚሊዮን የኢንቨስትመንት ካፒታል እንደተቋቋመ ገልፀዋል፡፡

የአዲስ አበባ ከተማ አስተዳደር የመንገድ ትራስፖርት ቢሮ ኃላፊ አቶ ያብባል አዲስ በበኩላቸው መንግስት የብዙሃን ትራንስፖርት መስፋፋት ላይ ትኩረት አድርጎ በመስራት ላይ መሆኑን ጠቁመው፣ በይፋ ስራውን የጀመረው የሸገር ትራስፖርትም አንዱ አካል  መሆኑን ገልፀዋል፡፡

የሸገር ትራስፖርት አገልግሎት ድርጅት ያደጉ የዓለማችን ከተሞች የሚገለገሉባቸውን ዘመናዊ አውቶቡሶችን በመጠቀም በመደበኛ የአውቶቡስ አገልግሎት፣ በተማሪዎች ሰርቪስና በፈጣን የከተማ አውቶቡስ የአገልግሎት ዘርፎች በመሰማራት፤ አገልግሎት እንደሚሰጥ ታስቦ የተቋቋመ የትራስፖርት ድርጅት መሆኑን ተናግረዋል፡፡

የሸገር የብዙኃን ትራስፖርት አገልግሎት አውቶቡሶች የተለያዩ ዘመናዊ የኤሌክትሮኒክስ መሳሪያዎች የተገጠሙላቸው ከመሆናቸውም በተጨማሪ የኣካል ጉዳተኞችን፣ ህፃናትን፣ አረጋውያንንና ነፍሰ ጡሮችን ከግምት ውስጥ ያስገቡና ደረጃቸውን የጠበቁ መሆናቸውን ኃላፊው ጠቅሰዋል፡፡

አውቶብሶቹ ለቀጣይ አራት ቀናት ከሜክሲኮ 6 ኪሎ እና ሽሮ ሜዳ ባለው መስመር የሙከራ ነፃ አገልግሎት እንደሚሰጡ ተገልጿል።

 

ሸገር አውቶብስ በጥቅሉ 300 አውቶብሶችን ይዞ አገልግሎት የሚሰጥ ሲሆን፤ የትራንስፖርት አገልግሎት ክፍያው ከታክሲ የዋጋ ተመን ያነሰ መሆኑም ነው የተገለፀው። አውቶብሶቹ በሀገር በቀሉ ቢሾፍቱ አውቶሞቲቭ በሀገር ውስጥ የተገጣጠሙ ናቸው።

 ድርጅቱ በቀጣይ ሳምንት 46 አውቶብሶችን የትራንስፖርት ችግር አለባቸው በተባሉ አካባቢዎች እንደሚያሰማራም ተጠቁሟል።

ከሜክሲኮ ቦሌ፣ ከቦሌ ፒያሳ፣ ከፒያሳ መገናኛ፣ ከሜክሲኮ ዓለም ባንክ እንዲሁም ሳሪስ አቦን እና መገናኛን የሚያካትት መስመር ላይ አውቶብሶቹ አገልግሎት እንደሚሰጡ ተገልጿል፡፡

የአዲስ አበባ ከተማ አስተዳድር ከንቲባ አቶ ድሪባ ኩማ የሸገር ባስን ቁልፍ ለሸገር ትራስፖርት ድርጅት ስራ አስኪያጅ ለአቶ ጎይቶም ሃይሉ በማስረከብ በይፋ ስራ አስጀምረዋል።

 

የኢፌዲሪ ትራስፖርት ባለስልጣን ዴኤታ አቶ አብዲሳ ያዴታ፣ የከተማዋ ከፍተኛ አመራሮች እንዲሁም ጥሪ የተደረገላቸው እንግዶች በምረቃ ስነ ስርዓቱ ላይ ተገኝተዋል፡፡

Read 1830 times Last modified on Donderdag, 16 Junie 2016 23:51