open

ስግብግብ ነጋዴዎች በህብረተሰቡ ላይ የሚያደርሱትን የጤና መታወኮች በመከላከሉ ዙሪያ በትኩረት ሊሠራ እንደሚገባ ተጠቆመ

  Tuiste/ሚዲያ/ዜና/ማህበረሰብ/ስግብግብ ነጋዴዎች በህብረተሰቡ ላይ የሚያደርሱትን የጤና መታወኮች በመከላከሉ ዙሪያ በትኩረት ሊሠራ እንደሚገባ ተጠቆመ

ስግብግብ ነጋዴዎች በህብረተሰቡ ላይ የሚያደርሱትን የጤና መታወኮች በመከላከሉ ዙሪያ በትኩረት ሊሠራ እንደሚገባ ተጠቆመ

(አዲስ አበባ፣ ከንቲባ ጽ/ቤት)  የአዲስ አበባ የምግብ፣ የመድኃኒትና ጤና ክብካቤ አስተዳደር ቁጥጥር ባለስልጣን ህገ- ወጥ የምግብና የመድኃኒት እንቅስቃሴን በመቆጣጠሩ ረገድ፣ የግንዛቤ ማስጨበጫ መድረክ ሚያዚያ 4 ቀን 2009 ዓ.ም. በከተማ አስተዳደሩ ቲያትርና ባህል አዳራሽ አካሂዷል፡፡

ከአስሩም ክፍላተ - ከተሞች የመጡ የጤና ኤክስቴንሽን ሙያተኞች፣ ተቆጣጣሪዎችና አስተባባሪዎች ተሳታፊ በነበሩበት በዚህ መድረክ ላይ ተገኝተው መድረኩን በንግግር የከፈቱት የአዲስ አበባ የምግብ፣ የመድኃኒትና ጤና ክብካቤ አስተዳደር ቁጥጥር ባለስልጣን ዋና ዳይሬክተር አቶ ጌታቸው ወለቴ፣ ባለስልጣን መስሪያ ቤቱ ከከተማዋ የጤና ኤክስቴንሽን ሙያተኞች ጋር በመቀናጀት የህብረተሰቡን ጤና በመጠበቁ ረገድ እየሰራ መሆኑን ተናግረዋል፡፡

ዋና ዳሬክተሩ አክለውም የህብረተሰቡን ጤና የሚጎዱ ምግብና መድኃኒቶች መኖራቸውንና ያገልግሎት ጊዜያቸው ያለፈባቸው ምግቦችና መድኃኒቶች ለገበያ እየቀረቡ እንደሚገኙም ጠቁመዋል፡፡ ኃላፊነት የጎደላቸው ስግብግብ ነጋዴዎች ባዕድ ነገሮችን ከምግብ ጋር በመቀላቀል ለሽያጭ እንደሚያቀርቡም በማስታወስ፤ ባለስልጣን መስሪያ ቤቱ ይህንንና መሰል ችግሮችን በመቆጣጠሩ ዙሪያ በተለይ ከጤና ኤክስቴንሽን ሙያተኞች ጋር በጋራ በመስራት ውጤት ሊያመጣ እንደሚችል እምነታቸው መሆኑን ገልፀዋል፡፡

 

በመድረኩ ላይ በከተማዋ በሚስተዋሉ  ችግሮች ዙሪያና በባለስልጣን መስሪያ ቤቱ ተግባራት ዙሪያ የሚያጠነጥን ሰነድ በባለሙያ ቀርቦ ውይይት ተካሄዶበታል፡፡ በቀረበው ሰነድም መስሪያ ቤቱ ባደረጋቸው የኦዲት ቁጥጥር ሥራዎች፣ ከተፈቀደላቸው ደረጃ በላይ አገልግሎት የሚሰጡ ጤና ተቋማትና የሙያ ብቃት ማረጋገጫ የምስክር ወረቀት የሌላቸውና እድሳት ጭምር ያላደረጉ ባለሙያዎች ሲሰሩ መገኘታቸው ተመልክቷል፡፡

በተጨማሪም አንዳንድ ተቋማት የተሟላ የግብዓት የጥራት ደረጃ ሳያሟሉ አገልግሎት መስጠት፣ የህክምና መሳሪያዎች አያያዝና አጠቃቀም ችግሮች መኖርና የተገልጋዮችን መረጃዎች በተገቢው መንገድ አለመያዝ የመሳሰሉት የታዩ ችግሮች እንደሆኑ በሰነዱ ተመልክቷል፡፡

የመድረኩ ተሳታፊ የጤና ኤክስቴንሽን ባለሙያዎቹም በበኩላቸው፣ የጤና ቁጥጥር ሥራው ከፍተኛ ወንጀሎች የሚሰራባቸውን ድብቅ ተግባራት ተጋፍጦ  ማስተማርንና ወደ ህግ ማቅረብን የሚጠይቁ መሆናቸውን በመጠቆም፤ ይሁን እንጂ እጅግ ውስብስብ በሆነ መልኩ በድብቅ ቢከናወኑም ከሕዝብ  የተሰወሩ ባለመሆናቸው፣ ሁሉም ህብረተሰብ ከባለስልጣን መስሪያ ቤቱና  ከጤና ኤክስቴንሽን ሠራዊቱ ጋር በጋራ መስራት የሚጠበቅባቸው እንደሆነ ተናግረዋል፡፡

Read 417 times Last modified on Donderdag, 08 Junie 2017 08:47