open

ኮንስትራክሽን ዘርፉን አንድ እርምጃ ለማራመድ እየተሰራ ነው

  Tuiste/ሚዲያ/ዜና/መሰረተ ልማት/ኮንስትራክሽን ዘርፉን አንድ እርምጃ ለማራመድ እየተሰራ ነው

ኮንስትራክሽን ዘርፉን አንድ እርምጃ ለማራመድ እየተሰራ ነው

 

(አዲስ አበባ፣ ከንቲባ ጽ/ቤት) የአዲስ አበባ ከተማ አስተዳደር ኮንስትራሽን ቢሮ በአዲስ መልክ ባዘጋጃቸው ልዩልዩ መመሪያዎችና የህግ ማዕቀፎች ዙሪያ ከባለድርሻና የህዝብ ክንፍ አካላት ጋር መጋቢት 3 ቀን 2010 ዓ.ም በግሎባል ሆቴል ምክክር አድርጓል፡፡

 

መድረኩን በንግግር የከፈቱት የከተማ አስተዳደሩ ምክትል ከንቲባ አቶ አባተ ስጦታው፣   የኮንስትራክሽን ዘርፉ በከተማዋም ሆነ በሀገር አቀፍ ደረጃ የማይተካ ጉልህ ሚና እየተጫወተ የመጣ ዘርፍ እንደሆነ በማስታወስ፤ ለሀገሪቱ እድገትና ብልፅግና ጉልህ ድርሻ መያዙን  ጠቁመዋል፡፡

 

ዘርፉ እያበረከተ ያለው አስተዋፆኦ እንደተጠበቀ ሆኖ መስተካከልና መሻሻል ያለባቸው ህጎችና መመሪያዎች እንዳሉም መገንዘብ ይገባል ያሉት ምክትል ከንቲባዉ፣ ዘርፉ ከተማዋ በኮንስትራክሽን ስራ ለምታደርገው ግስጋሴ ማፋጠን  በየደረጃው የሚታዩ ማነቆዎች፣ ችግሮችና የአሰራር መመሪያዎች መስተካከል እንደሚኖርባቸዉ አሳስበዋል፡፡

 

በዕለቱም ስድስት ሰነዶች ማለትም የቁርጥ ዋጋ የስራ ተቋራጮች  መመልመያና የስራ ስምሪት አሰጣጥ መመሪያ ቁጥር 02/2010፣ ጥቃቅንና አነስተኛ  ኢንተርፕራይዞችን በኮንስትራሽን ስራ ንዑስ ስራ ተቋራጭነት ለማሳተፍ የተዘጋጀ መመሪያ ቁጥር 03/2010፣ የኮንስትራሽን ኢንዱስትሪ ባለሙያዎች የስነ- ምግባር ደንብ፣ተቋራጮች የቅድመ ብቃት መመዘኛ መመልመያ መስፈርት፣ የመሰረተ ልማትና ቅንጅት ማንዋል ቁጥር 01/2010 ዓ.ም፣ የመሰረተ ልማትና ቅንጅት መመሪያ ሰነድ እና የሕንፃ መመሪያ ቁጥር 01/2010 በባለሙያዎች ቀርበዋል፡፡በመድረኩ የተሳተፉ ባለድርሻ አካላትም የተለያዩ ሀሳቦችን በማንሳት ሰነዱ ላይ እንዲካተቱና እንዲወጡ ሀሳብ በመስጠት ብሎም በሌሎች ጥያቄዎች ሰነዶቹን አዳብረዋል፡፡

 

በመጨረሻም የአዲስ አበባ ከተማ አስተዳደር ኮንስትራክሽን ቢሮ ኃላፊ ኢንጂነር ዮናስ አያሌው ለቀረቡ አጋዥ እሳቤዎች ምስጋና በማቅረብ፤ ለተነሱ ጥያቄዎች ምላሽ ሰጥተው በቀጣይ አንድ ወር ጊዜ ውስጥ በካቢኔ ፀድቀው ወደ ስራ በቀጥታ እንደሚገቡ መጠቆማቸዉን ተከትሎ ውይይቱ ተጠቃሏል፡፡ ከዘርፉ፣ ከህዝብ ክንፍ አካላትና ከተለያዩ ሚዲያ የተገኙ ጋዜጠኞች የኮንስትራክሽን ላብራቶሪዉን እና የምርምር ማዕከሉን በመጎብኘት በይፋ ስራ የማስጀመር ስነ - ስርዓት ተከናውኗል፡፡

 

Read 542 times Last modified on Woensdag, 14 Maart 2018 11:29