open

Items filtered by date: Maart 2018

  Tuiste/ሚዲያ/ዜና/Items filtered by date: Maart 2018
Items filtered by date: Maart 2018

 

(አዲስ አበባ፣ ከንቲባ ጽ/ቤት) የአዲስ አበባ ከተማ አስተዳደር የምግብ መድኃኒት ጤና ክብካቤ አስተዳደርና ቁጥጥር ባለስልጣን፣ የፌደራልና የከተማዋ ከፍተኛ የስራ ኃላፊዎች፣ ከአስሩ ክፍለ ከተሞች የተገኙ ባለድርሻ አካላት፣ የሐይማኖት አባቶች፣ እንዲሁም ከተለያዩ ሚዲያዎች የተውጣጡ ባለሙያዎች በተገኙበት፣  ትንባሆንና አደንዛዥ ዕፅን በተመለከተ መጋቢት 11 ቀን 2010 ዓ.ም የግንዛቤ ማስጨበጫ የውይይት መድረክ በአዲስ አበባ ቲአትርና ባህል አዳራሽ አካሂዷል፡፡

 በመድረኩ የእንኳን ደህና መጣችሁ ንግግር  ያደረጉት የአዲስ አበባ ምግብና መድኃኒት አስተዳደርና ቁጥጥር  ባለስልጣን ዋና ዳይሬክተር አቶ ጌታቸው ወረቲ፣ ሀገራችን በጤና ፖሊሲዋ ትምባሆና አደንዛዥ ዕፅን አስመልክቶ በአዋጅና በደንብ አካታ፤ ትልቅ ግምት እንዲሰጠው በመስራት ላይ እንደምትገኝ ገልጸዋል፡፡

 በቁጥጥር መመሪያውም በትምህርት ተቋማት፣ በጤና ተቋማት፣ በሆቴሎች፣ በባርና ሬስቶራንቶች፣ በመጓጓዣ አገልግሎቶች፣ በመዝናኛ ቦታዎችና ህዝብ በሚሰበሰብባቸው አካባቢዎች ሲጋራ ማጨስና ዕፅ መጠቀም በህግ እንደሚያስጠይቅም ዋና ዳይሬክተሩ ጠቁመዋል፡፡

Published in ልዮ ልዮ

 

(አዲስ አበባ፣ከንቲባ ጽ/ቤት)  የአዲስ አበባ ከተማ አስተዳደር ከንቲባ ጽ/ቤት አመራሮችና ሠራተኞች በተገኙበት፤ «በተደራጀ የሴቶች ተሳትፎና ንቅናቄ የሴቶችን ሁለንተናዊ  ተጠቃሚነት እናረጋግጣለን!» በሚል መሪ ቃል በኢትዮጵያ ለ42ኛ ጊዜ በዓለም ለ1መቶ ሰባተኛ ጊዜ የተከበረዉን የሴቶች ቀን አስመልክቶ፤  መጋቢት 6 ቀን 2010 ዓ.ም  በከተማዋ ምክር ቤት አዳራሽ በመገኘት የግማሽ ቀን ዉይይት አድርገዋል፡፡

 

በእለቱ የመክፈቻ ንግግር ያደረጉት  የሀገር ውስጥ ፣ ዓለም አቀፍ ግንኙነት ዳያስፖራ ማስተባበሪያ ዳይሬክቶሬት ዳይሬክተር አቶ ካሳ ወልደሰንበት፤ ሴቶች እናቶች፣እህቶች እና ሚስቶች እንደመሆናቸው  በማህበራዊ፣  በኢኮኖሚያዊ እና በፖለቲካዊ እንቅስቃሴው ያበረከቱትና የሚያበረክቱት ጉልህ ሚና እንደተጠበቀ ሆኖ፤ ተሳትፎቸውን እና ተጠቃሚነታቸውን  ለማረጋገጥ ልናግዛቸው ይገባል በለዋል፡፡  ማርች 8ን ስናከብር ለሴቶችን መብት፣ ትግል፣ ተሳትፎና ተጠቃነታቸውን  ለማሳደግ ሁሉም የከንቲባ ጽ/ቤት አመራርና ሰራተኛ የበኩሉን እንዲወጣ ሲሉም  መልዕክታቸውን አስተላልፈዋል፡፡

Published in ልዮ ልዮ

 

(አዲስ አበባ፣ ከንቲባ ጽ/ቤት) የአዲስ አበባ ከተማ አስተዳደር ኮንስትራሽን ቢሮ በአዲስ መልክ ባዘጋጃቸው ልዩልዩ መመሪያዎችና የህግ ማዕቀፎች ዙሪያ ከባለድርሻና የህዝብ ክንፍ አካላት ጋር መጋቢት 3 ቀን 2010 ዓ.ም በግሎባል ሆቴል ምክክር አድርጓል፡፡

 

መድረኩን በንግግር የከፈቱት የከተማ አስተዳደሩ ምክትል ከንቲባ አቶ አባተ ስጦታው፣   የኮንስትራክሽን ዘርፉ በከተማዋም ሆነ በሀገር አቀፍ ደረጃ የማይተካ ጉልህ ሚና እየተጫወተ የመጣ ዘርፍ እንደሆነ በማስታወስ፤ ለሀገሪቱ እድገትና ብልፅግና ጉልህ ድርሻ መያዙን  ጠቁመዋል፡፡

 

ዘርፉ እያበረከተ ያለው አስተዋፆኦ እንደተጠበቀ ሆኖ መስተካከልና መሻሻል ያለባቸው ህጎችና መመሪያዎች እንዳሉም መገንዘብ ይገባል ያሉት ምክትል ከንቲባዉ፣ ዘርፉ ከተማዋ በኮንስትራክሽን ስራ ለምታደርገው ግስጋሴ ማፋጠን  በየደረጃው የሚታዩ ማነቆዎች፣ ችግሮችና የአሰራር መመሪያዎች መስተካከል እንደሚኖርባቸዉ አሳስበዋል፡፡

Published in መሰረተ ልማት

 

(አዲስ አበባ፣ ከንቲባ ጽ/ቤት)፣ የአዲስ አበባ ቴክኒክና ሙያ ትምህርትና ስልጠና ቢሮ ያዘጋጀው ስምንተኛው የቴክኒክና ሙያ ሳምንት፣ በተለያዩ መርሃ-ግብሮች ከየካቲት 26-30 ቀን 2010 ዓ.ም ድረስ በኢግዚቪሽን ማዕከል ተከብሯል፡፡

 

የቢሮው የኢንዱስትሪ ኤክስቴንሽንና የቴክኖሎጂ ሽግግር ዋና የስራ ሂደት መሪ አቶ በላይ ከፍያለው፣ ቴክኒክና ሙያ ተቋማት በዋናነት ሁለት ዓላማ አንግበው መቋቋማቸውን አስታውሰው፤ የመጀመሪያው መደበኛ እና አጫጭር ስልጠና መስጠት ሲሆን ሌላው ጥቃቅንና አነስተኛ ተቋማትን ከ2004 ዓ.ም ጀምሮ የመስሪያ ቦታዎችን የስራ እንቅስቃሴ በመጎብኘት ድጋፍ ማድረግ መሆኑን አስረድተዋል፡፡

 

የኢንዱስትሪ ኤክስቴሽን ድጋፍ ማድረግ ኢንተርፕራይዞች ምርታማና በገበያ ተወዳዳሪ እንዲሆኑ ማስቻሉንና በአራቱ ፓኬጆች ማለትም የካይዘን ስራ ብክነትን በመቀነስ ምርታማነትን መጨመር፤ ክህሎትን መሙላት፣ የንግድ ስራ አያያዝ፣ የመዝገብ አያያዝ አዋጭ የሆነ ምርት አምርተው ገበያውን እንዲያዩ ማድረግና የቴክኖሎጂ ሽግግር በእስትራተጂው እንደተቀመጠው፤ እስከ 2017 ዓ.ም ቴክኖሎጂን የመቅዳት ስራን በማከናወን ከግብርና መር ወደ ኢንዱስትሪ ሽግግር ማድረግ እንደሚገባ አሳስበዋል፡፡

Published in መሰረተ ልማት

በከተማዋ 247 ሺህ  ወላጅ ያጡ ህፃናትና ወጣቶች አሉ

 

 (አዲስ አበባ፣ ከንቲባ /ቤት) 70 በላይ ለሚሆኑ ለአዲስ አበባ ከተማ አስተዳደር ከንቲባ  /ቤት አመራሮችና ሰራተኞች በኤች አይ ኤድስ ላይ የግማሽ ቀን የግንዛቤ ማስጨበጫ  ስልጠና  የካቲት 30 ቀን 2010 . በከተማ አስተዳደሩ ምክር ቤት አዳራሽ ተሰጥቷል፡፡

 

ስልጠናውን ያዘጋጀው የጽ/ቤቱ ስትራቴጅክ ዕቅድ ዝግጅት ክትትል ግምገማና ሪፖርት ዝግጅት ዳይሬክቶሬት ከስርዓተ ፆታ፣ ወጣቶች ህፃናትና ጉዳይ ማካተት የስራ ክፍል ጋር በመተባበር ሲሆን ከአዲስ አበባ ከተማ ኤች አይ መከላከያና መቆጣጠሪያ /ቤት  በተገኙ ባለሙያ ገለፃ ቀርቧል፡፡

 

ስልጠናው በዋናነት ያተኮረው ተቋማት በጀት ይዘው ሰራተኛውንና ቤተሰቡን ከኤች ኤይ ኤድስ ለመከላከል የሚያስችለውን ግንዛቤ ለማስጨበጥ መሆኑን ባለሙያው አቶ ወንድሙ ደንቡ አመላክተዋል፡፡ በአሁኑ ወቅት በሀገራችን 700 መቶ ሺህ በላይ ህዝብ  ኤች አይ ቫይረስ  በደማቸው ውስጥ የሚገኝ ሲሆን ይህም ከአንድ በመቶ በላይ የኤች አይ ስርጭት መጠን ስላለው በጥናቱ መሰረት ሀገሪቱ በወረርሽኝ ደረጃ እንደምትገኝ ያመለክታል ብለዋል፡፡

 

ለአብነት ያህል በአዲስ አበባ  1መቶ ሰዎች አምስቱ  የኤች አይ ቫይረስ በደማቸው ውስጥ ይገኛል፡፡ በተመሳሳይም በደቡብ ክልል 1 መቶ ሰዎች ውሰጥ አንዱ ቫይረሱ  በደሙ  ውስጥ እንደሚገኝና ይህም ስርጭቱ ከክልል ክልል መለያየቱን እንደሚሳይ የባለሙያው ገለፃ ጠቁሟል፡፡ የኤች አይ   ስርጭትን  አስመልክቶ ሴቶች 20 በመቶ  በላይ ከወንዶች ብልጫ ለኤች አይ የመጋለጥ እድል እንዳላቸውና ይህም ተጋላጭነት በደረጃ ሲቀመጥ ሴተኛ አዳሪዎች ከመቶ 25 ቫይረሱ በደማቸው ሲኖር፤ ተንቀሳቃሽ  ሰራተኞች 5.7 ከመቶ፣ ረዥም ርቀት  አሽከርካሪዎች 4.9 ከመቶ፣ ህግ ታራሚዎች 4.2 ከመ፣ በግንባታ ዘርፍ  የተሰማሩ 2.9 ከመቶ እንደሆነ ለስልጠናው የተሰናዳው ሰነድ አመላክቷል፡፡

Published in ልዮ ልዮ