open

ዜና

  Tuiste/ሚዲያ/ዜና

(አዲስ አበባ፣ ከንቲባ ጽ/ቤት) የአዲስ አበባ ከተማ አስተዳደር የትራፊክ አደጋን ለመቀነስ ከአለም ባንክ በተገኘ ብድር የገዛቸዉን 307 የሚሆኑ ተሸከርካሪዎች ነሐሴ 1 ቀን 2010 ዓ.ምለአዲስ አበባ ትራፊክ ማኔጅመንት ኤጀንሲ በሚሊንዬም አዳራሽ ርክክብ ፈፅሟል፡፡

በርክክቡ ወቅት የመክፈቻ ንግግር ያደረጉት ምክትል ከነቲባ ዶክትር ኢንጂኔር  ሰሎሞን ኪዳኔ እንዳሉት በከፍተኛ ሁኔታ የሰዉ ሕይወትና ንብረት ጥፋት የሚያስከትለዉ የትራፊክ አደጋን ለመቀነስ ከተማ አስተዳደሩ ብዙ ስራዎችን እየሰራ አንደሚገኝና የትራፊክ ፖሊሶች በፍትነትና በቅልጥፍና በየትኛዉም አካባቢ ተደራሽነታቸዉን ለማስፋት 275 ሞተር ብስክሌቶች፣ 26 ሚኒባሶች፣ አራት ፒክ አፖች፣ ሁለት አምቡላንሶች ግዥ ፈጽሞ በዛሬዉ እለት አስረክቧል ብለዋል፡፡ ምክትል ከንቲባዉ አያዘዉም የፍጥነት መቆጣጠሪያ ራዳሮችን፣ ከመጠን በላይ ጠጥቶ መሽከርከር የትንፋሽ መመርመሪያዎችን፣ አፕሊኬሽን የተሞላላቸዉ  ሞባይሎችንም በጭለቱ አስረክቧል ብለዋል፡፡

ምክትል ከንቲባዉ በመልዕክታቸዉ መሳሪያዎቹንና ተሽከርካሪዎቹን ገዝቶ ማስረከብ ብቻዉን ለዉት እንዳልሆነና የትራፊክ ፖሊሶች ጥብቅ ዲሲፕሊንና በቂ የክህሎት ስልጠና ታግዘዉ ህዝብን በታማኝነትና በቅንነት በማገልገል የሰዉ ሕይወት የሚቀጥፈዉን የትራፊክ አደጋ መቀነስ ይኖርባቸዋል ብለዋል፡፡

 

(አዲስ አበባ፣ ከንቲባ ጽ/ቤት) የአዲስ አበባ ከተማ ምክትል ከንቲባ ኢንጂነር ታከለ ኡማ ለከተማዋ አመራሮች ሐምሌ 12 ቀን 2010 ዓ.ም በአዲስ አበባ ባህልና ቴአትር አዳራሽ የሥራ መመርያ ሰጥተዋል።

 

ምክትል ከንቲባ ኢንጂነር ታከለ ኡማ በምክትል ከንቲባ ማእረግ ከተሾሙት ወ/ሮ ዳግማዊት ሞገስ እና ከኢንጂነር ሰለሞን ኪዳኔ(ዶ/ር) ጋር በጋራ በመሆን ከከተማ፣ ክፍለ ከተማ እና ወረዳ አመራሮች ጋር በዛሬው እለት ተገናኝተው ተወያይተዋል። በውይይቱ ወቅትም ምክትል ከንቲባ ታከለ ኡማ(ኢንጂነር) ለአመራሮቹ የሥራ መመርያ አስተላልፈዋል። ምክትል ከንቲባው ባስተላለፉት የሥራ መመርያም የትኛውም አይነት የመንግስት ስብሰባ ከሥራ ሰዓት ውጪ መሆን እንዳለበት አስታውቀዋል።