ሰሞኑን ብቻ ከ1500 በላይ ለጥፋት አዲስ አበባ ላይ የተሰማሩ ሃይሎች በቁጥጥር ስር ውለዋል፡፡

እነዚህ ሶስት አካላት ተናበው ይሰራሉ ተብለው የማይገመቱ ጭምር በመናበብ በከተማዋ የጥፋት ተግባር ለመፈፀም የተለያየ መታወቂያዎችን በመጠቀም ሲንቀሳቀሱ መያዛቸውን ከንቲባዋ የገለፁ ሲሆን በርካታ መሳርያዎችም ጭምር ከበቂ ማስረጃ ጋር በቁጥጥር ስር መዋላቸውንና በቅርብ የፀጥታ ግብረ ሃይሉ የአዲስ አበባ ፖሊስ መግለጫ እንደሚሰጥበት ገልፀዋል፡፡

ህዝባችን ይጠቁማል ያጋልጣል ያሉት ከንቲባ አዳነች ህዝባችን ምስጋና ይገባዋል ብለዋል፡፡ ህዝቡ ራሱን አጋልጦ ያጋልጣል ፤ ከተማውን ይጠብቃልም ብለዋል፡፡ የፀጥታ ሃይሉም የሚገባውን ሁሉ ዋጋ እየከፈለ የከተማዋን ሰላም ለማስጠበቅ እየተንቀሳቀሰ መሆኑንም ገልፀዋል፡፡

ከዚህ በተጨማሪ ህዝቡ ከዚህ በፊት ወንጀለኞችን ትይዛላችሁ ነገር ግን ለፍርድ አታቀርቡም የሚል ወቀሳ ይሰነዘር እንደበር አውስተው ፤አሁን እነኚህን አካላት በተደራጀ መንገድ ወደ ፍርድ ቤት እየቀረቡ መሆኑንና የፍትህ አካላትም በተደራጀ መንገድ እየሰሩበት መሆኑን ተናግረዋል፡፡