ጠቅላይ ሚኒስትር ዶ/ር ዐቢይ አህመድ፣ የቀድሞው ጠቅላይ ሚኒስትር ኃ/ማርያም ደሳለኝ ፣የአዲስ አበባ ከተማ ከንቲባ አዳነች አቤቤ እና ሌሎች ከፍተኛ የፌዴራል፣ የክልሎች እና የከተማ አስተዳደሮች የሥራ ኃላፊዎች በአርሲ ዞን ሔጦሳ ወረዳ በኩታ ገጠም የለማ የስንዴ ማሳን ጎብኝተዋል።
በጉብኝቱ ከንቲባ አዳነች አቤቤ ከዚህ ቀደም ለእርሻ ያልዋሉ አካባቢዎችን በማልማት ተስፋ ሰጪ ውጤት እየተመዘገበ መሆኑን መመልከታቸውን ገልጸዋል ።
በአርሲ ዞን ብቻ በምርት ዘመኑ ከታረሰው 680 ሺህ ሔክታር መሬት ውስጥ 388 ሺህ ሔክታር ያህሉ በኩታ ገጠም የለማ እንደሆነ ጠቅሰው ይህ ለዘርፉ ትልቅ ጅማሮ ነው ብለዋል።
የግብርና ምርታማነትን በማሻሻል በምግብ ራሳችንን የምንችልበት ጊዜ ቅርብ ነው ሲሉም ከንቲባዋ ተናግረዋል ።
በዚህ ውጤታማ ሥራ ውስጥ ክትትል እና ድጋፍ አንስቶ የበኩላቸውን አስተዋጽኦ ላበረከቱ ሁሉ ምስጋና አቅርበዋል።