በአዲስ አበባ ከተማ ለአራተኛ ጊዜ የሚካሄደው የአረንጓዴ አሻራ መርሃ ግብር ሰፊ የቅድመ ዝግጅት ስራዎች የተከናወነ እንደሆነ ተገለፀ ።

በዘንድሮው መርሐ ግብር አገር በቀልና የፍራፍሬ ችግኞች በተለየ ትኩረት የሚተከሉ ይሆናል።

በምክትል ከንቲባ ማእረግ የአዲስ አበባ ዋና ስራ አስኪያጅ አቶ ጥራቱ በየነ ከውበትና አረንጓዴ ልማት ቢሮና በስሩ ያሉ አስራ አንዱም ክ/ከተማ ተጠሪ ጽ/ቤቶች ፣ ከወጣቶችና ስፖርት ቢሮ ፣ ከህብረተሰብ ተሳትፎ ጽ/ቤትና ከፅዳት አስተዳደር ኤጀንሲ አመራሮች ጋር በችግኝ ተከላ የቅድመ ዝግጅት ስራዎችና በቢሮው በቀረበ ሪፖርት ላይ በመወያየት የቀጣይ ጊዜያት የትኩረት አቅጣጫ አሰቀምጠዋል።