ምክትል ከንቲባ ወ/ሮ አዳነች አቤቤ ከትምህርት ሚኒስትሩ ዶ/ር ኢ/ር ጌታሁን መኩሪያ ጋር በመሆን ሲልክሮድ አጠቃላይ ሆስፒታል በዙሪያው ላሉት ነዋሪዎች በንጹሕ የመጠጥ ውሃ አቅርቦት ያደረገውን ድጋፍ ጎብኝተዋል።
በመርሐግብሩ ምክትል ከንቲባ ወ/ሮ አዳነች አቤቤ እንደገለፁት የሲልክሮድ አጠቃላይ ሆስፒታል ማህበራዊ እና ኢኮኖሚያዊ አስተዋፅኦ በማድረግ ያሳየውን ምሳሌነት አንስተው አመስግነዋል።
በከተማችን ውስጥ ያሉ ትልልቅ ተቋማትና ኩባንያዎች ማህበራዊ ሀላፊነታቸውን በመወጣት የሲልክ ሮድ አጠቃላይ ሆስፒታልን ተሞክሮ ሊተገብሩ እንደሚገባ ወ/ሮ አዳነች አቤቤ ጠቁመዋል ።
የሲልክ ሮድ አጠቃላይ ሆስፒታል ለማህበረሰቡ ነጻ የህክምና አገልግሎት ከመስጠት ጀምሮ በተለያዩ ተግባራት በማገዝ ማህበራዊ ኃላፊነቱ እየተወጣ መሆኑንና በቀጣይም አጠናክሮ እንደሚቀጥል የሆስፒታሉ ስራ አስኪያጅ ዶ/ር ዋንግ ገልጸዋል ።
ሆስፒታሉ የከተማዋን የጤና ቱሪዝም መዳረሻነት ለማሳደግ በሚደረገው ጥረትም ተጨማሪ አለም አቀፍ የህክምና የልህቀት ማዕከል ለመገንባት እቅድ መያዙንም ዶ/ር ዋንግ ተናግረዋል ።
በመርሐግብሩ ተጠቃሚ የሆኑ የህብረተሰብ ክፍሎች ተገኝተው ምስጋናቸውን አቅርበዋል ።