የድህረ ጦርነት ዝንፈቶችን ፈጥኖ በማረም ሁለንተናዊ ድል እስከሚረጋግጥ በጦርነቱ ውስጥ የተገኙ ትሩፋቶችን አጠናክረን ድላችንን የመጠበቅና የማስፋት ዓላማ የያዘው የውይይት መድረክ የአጠቃላይ ክፍለ ከተማና የወረዳ አመራር ውይይት ማጠቃለያ በፕላዝማ ተካሂዷል::
በክፍለ ከተማ እና በወረዳ ባሉ አጠቃላይ አመራር ባለፉት ሶስት ቀናት የኢትዮጵያን ህልውና ለማስጠበቅ ሲባል በተካሄደው ትግል የተገኙ አንጸባራቂ ድሎችን ማስጠበቅ በሚቻልበት ሁኔታ እና የድህረ ጦርነት ዝንፈቶችን ፈጥኖ ማረም በሚቻልበት ሁኔታ ላይ ውይይት ሲያደርጉ ቆይተዋል።
በውይይቱ ወቅትም ኢትዮጵያ ተገዳ የገባችበትን ጦርነት በውድ ልጆቿ መስዋዕትነት ድል ያስመዘገበች በመሆኑ ይህ የተገኘውን ድል መጠበቅና ማስፋት እንደሚገባ ተገልጿል።
የማጠቃለያ ውይይቱን የአዲስ አበባ ከተማ ከንቲባ ወ/ሮ አዳነች አቤቤ፣ የአዲስ አበባ ብልጽግና ፓርቲ ጽ/ ቤት ሃላፊ አቶ መለሰ ዓለሙ እና የአዲስ አበባ ከተማ ምክትል ከንቲባና የስራ ኢንተርፕራይዝና ኢንዱስትሪ ልማት ቢሮ ኃላፊ አቶ ጃንጥራር አባይ መርተዋል።