ከህብረተሰቡ በደረሰ ጥቆማ በአንድ ግለሰብ መኖሪያ ቤት በተደረገ ብርበራ 27 የተለያዩ ሽጉጦች እና ከ3 መቶ በላይ የሽጉጥና የክላሽን ኮቭ ተተኳሽ ጥይቶች ከሁለት ተጠርጣሪዎች ጋር መያዛቸውን የአዲስ አበባ ፖሊስ አስታወቀ።

በአዲስ አበባ ፖሊስ የተወርዋሪ ኃይል ሻለቃ 2 ምክትል ሻለቃ መሪ የሆኑት ምክትል ኢንስፔክተር ጎሳ ከድር እንደተናገሩት ከአካባቢው ህብረተሰብ ለፀጥታ አካላት በደረሰው ጥቆማ ፖሊስ የፍርድ ቤት መበርበሪያ ትዕዛዝ በመያዝ በአንድ ግለሰብ መኖሪያ ቤት ባደረገው ብርበራ 21 ፋልኮት፣ 6 የቱርክ ሽጉጦች፣ 245 የሽጉጥ ጥይት፣ 78 የክላሽ ኮቭ ጥይት፣ 4 የክላሽ ካርታ፣ 4 የክላሽ ማህደር እና 1 የክላሽ ሰደፍ ከሁለት ተጠርጣሪዎቹ ጋር መያዛቸውን ገልጸዋል። የከተማችንን ሠላምና ደህንነት ለመጠበቅ ህብረተሰቡ ለፀጥታ አካላት እያሳየ ያለውን ተባባሪነት አጠናክሮ እንዲቀጥል የአዲስ አበባ ፖሊስ ጥሪውን አስተላልፏል።