የብልፅግና ፓርቲ ዋና ጽ/ቤት በአዲስ አበባ ከተማ ሲያካሂድ የነበረው የስድስት ወር አፈጻጸም ሱፐርቪዥን ሪፖርት ላይ ከንቲባ ወ/ሮ አዳነች አቤቤ በተገኙበት ውይይት ተከናወነ::

በከተማዋ ባለፉት ስድስት ወራት የተከናወኑ የፓለቲካና የድርጅት ስራዎችን ሱፐርቪዥን ላከናወኑ የቡድኑ አባላት ምስጋና ያቀረቡት ከንቲባ ወ/ሮ አዳነች አቤቤ የተከናወነው ሱፐርቪዥን አቅም የሚሆን እና በቀጣይም ለምንሰራው ስራ ያግዛል ሲሉ ተናግረዋል።

በብልፅግና ፓርቲ ዋና ጽ/ቤት የህዝብና የውጭ ግንኙነት ኃላፊ አቶ አዲሱ አረጋ የሱፐርቪዥኑን ዓላማ አስመልክቶ እንደገለጹት የብልፅግና ፓርቲ አዲስ አበባ ቅ/ጽ/ቤት የስድስት ወር የፓለቲካና የድርጅት ተግባራት አፈጻጸም በመዳሰስ የታዩ ክፍተቶችን በፍጥነት ለማረም እና ምርጥ ተሞክሮዎችን ቀምሮ ለማስፋት እንደሆነ አስረድተዋል።

አቶ አዲሱ አክለውም በከተማዋ ያሉ ሶስት ክፍለ ከተሞችን ጨምሮ ከእያንዳንዱ ክፍለ ከተማ ሁለት ወረዳዎችን በመለየት ሀቀኝነትና ሚዛናዊነት በተሞላበት መልኩ እንዲሁም ጥንካሬና ድክመትን ሊያሳይ በሚችል ሁኔታ ድጋፋዊ ሱፐርቪዥን መከናወኑን ተናግረዋል።