የአዲስ አበባ ከተማ አስተዳደር የ2014 ዓ.ም እቅድ አፈፃፀም እና የ2015 ዓ.ም ዝግጅት ምዕራፍ ስራዎች ግምገማ ውይይት እየተካሄደ ነው።

ከዛሬ ጀምሮ ለተከታታይ ሶስት ቀናት በሚቆየው የከተማዋ ከፍተኛ አመራሮች በሚሳተፉበት የግምገማ መድረክ የ2014 ዓ.ም የመንግስትና የፓርቲ ስራ አፈጻጸም ግምገማ እና የ2015 ዓ.ም የትኩረት ነጥቦች ላይ ውይይት ይደረጋል።

በከተማዋ ከተከናወኑ በርካታ ተግባራት መካከል በጥንካሬ ትምህርት የሚወሰድባቸውን በመለየት የማስፋት እና ቀጣይነት የማረጋገጥ ሂደት ላይ ትኩረት ተደርጎ ውይይት ይደረጋል።

እዲሁም ባለፈው በጀት አመት የነበሩ እጥረቶችን እና ጉድለቶችን በመለየት የመሙላትና የእርምት መውሰድ የሚቻልበት ጉዳዮች ላይ ውይይት ይከናወናል።

ከዚህም በተጨማሪ የቀጣይ በጀት አመት የትኩረት የሚሹ ጉዳዮች ለይቶ በእነርሱ ላይ የጋራ መግባባት በመፍጠር የከተማዋን ልማትና ዕድገት ለማፋጠን፣ መልካም አስተዳደር ችግሮችን ማቃለል፣ አንገብጋቢ የህዝብ ጥያቄዎችን መፍታት እና የህዝብ የኑሮ ጫና መቀነስ በትኩረት ይመከራል።