"ለአዲስ ምዕራፍ ተልዕኮ ዝግጁ ነን!" በሚል መሪ ቃል ከከተማ እስከ ወረዳ አዲስ ለተመደቡ አመራሮች የስራ ስምሪት እና የትኩረት አቅጣጫ የውይይት መድረክ ተጠናቋል ። የአዲስ አበባ ከተማ ከንቲባ አዳነች አቤቤ በውይይቱ ማጠቃለያ እንዳስታወቁት አመራሩ የተሰጠውን ህዝብን የማገልገል ኃላፊነት በአግባቡ መወጣት ይኖርበታል ብለዋል፡፡ በየደረጃው ያለ አመራርም በየተቋሙ የህብረተሰቡን ጥያቄ መመለስ በሚያስችል መልኩ የቀጣይ 100 ቀናት ዕቅድ በማውጣት በፍጥነት ወደ ተግባር መግባት እንዳለበትም ከንቲባ አዳነች አቤቤ አሳስበዋል ። የአዲስ አበባ ከተማ ምክር ቤት የመንግስት ዋና ተጠሪ አቶ መለሰ አለሙ በበኩላቸው ሀገራዊ ለውጡ ለሀገር ግንባታ እንዲውል ለማድረግ አመራሩ የለውጡን ሳንካዎች ጠንቅቆ ማወቅ እንደሚገባው ጠቁመዋል፡፡ ብልጽግና ፓርቲ በምርጫ ወቅት ያስተዋወቀውን ማኒፌስቶ በተግባር በመተርጎም ቃልን ማክበር እንደሚገባ [...]

"ለአዲስ ምዕራፍ ተልዕኮ ዝግጁ ነን" በሚል መሪ ቃል በተጀመረው የውይይት መድረክ ከንቲባ አዳነች አቤቤ እና ከማዕከል እስከ ወረዳ ድረስ በቅርቡ የተሾሙ ከፍተኛ አመራሮች ተሳታፊ ሆነዋል ። ውይይቱን በንግግር የከፈቱት ከንቲባ አዳነች አቤቤ ህዝባችን ታገለግሉኛላችሁ ብሎ ድምጹን ብቻ ሳይሆን ተስፋም ጭምር ጥሎብናል ብለዋል። በአዲስ ምዕራፍ በተነሳሽነት እና በቆራጥነት ህዝባችን የማገልገል ዕድል አግኝተናል፤ ማገልገል ደግሞ ከክብር በላይ ክብር ነው ብለዋል ከንቲባ አዳነች አቤቤ። በለውጥ ሂደት በርካታ ሳንካዎች አሉ ፤እነዚህን ሳንካዎች በጥንቃቄ በማለፍ ህዝብ የጣለብንን ሀላፊነት ለመወጣት ሁሉም አመራር በተደራጀ እና በተቀናጀ መንገድ መስራት እንደሚገባው ከንቲባ አዳነች አቤቤ ገልጸዋል ። "የ6ኛው ክልላዊ እና ሀገራዊ ምርጫ አፈጻጸም ስኬቶች እና ተግዳሮቶች በአዲስ አበባ ከተማ አስተዳደር " [...]

በተለያዩ ክፍለ ከተሞች ሕዝባዊ አደረጃጀቶች የተሳተፉበት በአካባቢ ሠላም እና ጸጥታ ላይ ያተኮረ ውይይት በመካሄድ ላይ ይገኛል። የአዲስ አበባ ከተማ ሠላምና ጸጥታ አስተዳደር ቢሮ ምክትል ኃላፊ ወ/ሮ ሊዲያ ተፈራ ባለፉት ቀናት በተለያዩ ክፍለከተሞች እየተካሄዱ ባሉት የሠላም እና ጸጥታ ህዝባዊ ውይይት ላይ እንዳስታወቁት ሠላም ለማረጋገጥ የመንግስት፣ የሕዝቡና የጸጥታ አካላት ትብብር በተሻለ መጠናከሩን ተናግረዋል። ሽብርተኞቹ ህወሓትና ሸኔ የከተማዋን ሠላምና ደህንነት ለማናጋት በተለያየ ጊዜ እኩይ ሴራዎችን ቢነድፉም ነዋሪዎች ከሌላው ጊዜ በተለየ ሁኔታ አካባቢያቸውን በመጠበቅ መክሸፋቸውን ምክትል ኃላፊዋ አስገንዝበዋል። የአዲስ አበባ ፖሊስ ኮሚሽን ኮሚሸነር ጌቱ አርጋው በበኩላቸው ሕብረተሰቡ በየአካባቢውን በመጠበቅ የበኩሉን አስተዋጽኦ እየተወጣ መሆኑን ገልጸው ለጸጥታ ስጋት የሆኑ አጠራጣሪ ሁኔታዎች ሲያጋጥሙት ፈጥኖ ለጸጥታ አካላት ጥቆማ መስጠት [...]

የአዲስ አበባ ከተማ ውሃና ፍሳሽ ባለስልጣን የውሃ ብክነትን በመቀነስ የውሃ አቅርቦቱን እና ስርጭቱን ማስተካከል የሚያስችል ስምምነት ማያ ኮርፖሬሽን ከተባለ የሉክዘንበርግ ድርጅት ጋር ተፈራርሟል ፡፡ የከተሞች ውሃ አቅርቦት እና ሳኒቴሽን ፕሮጀክት ሁለተኛው ምዕራፍ አካል የሆነው ይህ ስምምነት፤ አጠቃላይ ወጪው 800 ሚሊየን 487 ሺህ 107 ብር ሲሆን በአራት አመት ከ2 ወራት ጊዜ ውስጥ እንደሚጠናቀቅ በስምምነቱ ተገልጿል ፡፡ ስምምነቱ በጉርድ ሾላ እና ለሚ ኩራ ቅርንጫፍ ጽ/ቤቶች በተለዩ 25 ቀጠናዎች ማለትም በየካ አባዶ፣ የካ አያት፣ ፋኑኤል፣ ቦሌ አያት እና ቦሌ አረብሳ አከባቢ በሚገኙ የውሃ ስርጭት መስመሮች ላይ የዲዛይን ስራ በመስራት እያጋጠመ ያለውን የውሃ ብክነት በመቀነስ ጥቅም ላይ ለማዋል የሚያስችል ነው ተብሏል ፡፡ የተፈረመው ስምምነት አፈፃፀምን [...]

የአዲስ አበባ ከተማ ትራንስፖርት ቢሮ ለተማሪዎች ሰርቪስ የሚሰጡ ታክሲዎችን በተመለከተ አገልግሎት እንዳይሰጡ የሚከለክል መመሪያ እንደተዘጋጀ የሚዘዋወረው መረጃ ትክክል አይደለም ብሏል፡፡ ሕጋዊ ፈቃድ የሌላቸው ታክሲዎች በተማሪዎች የሰርቪስ አገልግሎት ላይ በመሰማራታቸው በትራንስፖርት አገልግሎት አሰጣጡ ላይ አሉታዊ ተፅዕኖ እየፈጠረ ይገኛልም ብለዋል፡፡ በቀጣይም የትራንስፖርት እጥረቱን በተመለከተ ግምገማ ተደርጎ የመፍትሔ አቅጣጫ የሚቀመጥና ዝርዝር መረጃም የሚወጣ ይሆናል ተብሏል፡፡ በመሆኑም የተማሪዎች ሰርቪስን በተመለከተ አዲስ መመሪያ እስኪወጣ ከዚህ ቀደም አገልግሎቱን ሲሰጡ የነበሩ ሕጋዊ ፈቃድ ያላቸው ታክሲዎች በነበሩበት ሥራ እንዲቀጥሉ ጥሪ ቢሮው ጥሪ አቅርቧል፡፡

የአዲስ አበባ ከተማ አስተዳደር ከንቲባ ወ/ሮ አዳነች አቤቤ አቶ ሙስጠፌ መሐመድ የሶማሌ ክልላዊ መንግስት ርዕሰ መስተዳድር ሆነው በመመረጣቸው የእንኳን ደስ አለዎት መልዕክት አስተላልፈዋል ። ርዕሰ መስተዳድሩ መልካም የስራ እና የስኬት ዘመን እንዲሆንላቸው ከንቲባዋ ተመኝተዋል ።

የኢፌድሪ ፕሬዚዳንት ሳህለወርቅ ዘውዴ ከከንቲባ አዳነች አቤቤ ጋር በመሆን 1 ሺህ 496ኛውን የመውሊድ በዓል ምክንያት በማድረግ በወንድም ካሊድ የበጎ አድራጎት ፋውንዴሽን በመገኘት ማዕድ አጋርተዋል ። በመርሃ ግብሩ ፕሬዚዳንት ሳህለወርቅ እንደገለጹት ወንድም ካሊድ የወገኖቹን ህይወት ለመቀየር እያከናወነ ያለው በጎ ተግባር በእጅጉ የሚመሰገን ነው ብለዋል። ሁሉም ኢትዮጵያዊ በሚችለው አቅም ወገኖቹን ቢረዳ መልካም ነው ያሉት ፕሬዚዳንቷ በተለይም በጎዳና የሚገኙ ወገኖችን የማንሳትና የመርዳት ራዕይ ሊኖር እንደሚገባ ተናግረዋል። ከወንድም ካሊድ በጎ ምግባር ሁሉም ሊማር ይገባልም ፤ ሁሉም ዜጋ ወገኖቹን የመርዳት ድርሻ አለው ያሉት ፕሬዚዳንቷ በተለይ በበዓላት ወቅት ወገኖችን ማስታወስና መርዳት ሊለመድ እንደሚገባ አስገንዝበዋል። "ዛሬ እያንዳንዳችን የምናደረገው ጠብታ ነገ ትልቂቷን ኢትዮጵያ እንድንገነባ ይረዳናል" ሲሉም መልዕክታቸውን አስተላልፈዋል። ወንድም [...]

የቢሮው ኃላፊ አቶ ሙሉጌታ ተፈራ እንዳስታወቁት በ2014 በጀት በመጀመሪያ ሩብ ዓመት 11.5 ቢሊየን ብር ለመሰብሰብ ታቅዶ 13.7 ቢሊየን ብር ወይም የእቅዱን 118 % መሰብሰብ መቻሉን ገልጸዋል ። አፈጻጸሙም ከባለፈው ተመሳሳይ ወቅት ጋር ሲነጻጸር የ3.5 ቢሊየን ወይም የ37% ብልጫ እንዳለው አቶ ሙሉጌታ ተናግረዋል ። ይህንን ውጤት ማስመዝገብ የተቻለው በቢሮው ከአሰራር ጋር የተያያዙ ችግሮችን በዘመናዊ ቴክኖሎጂ በተለይ የደረጃ ሐ ግብር ከፋዮች ያለ እንግልት ባሉበት ሆነው መስተናገድ የሚያስችል የኢቲ ቴክኖሎጂ ጥቅም ላይ በመዋሉ ነው ብለዋል። በተጨማሪም የታክስ ህግን በሚጥሱት ላይ ከሚመለከታቸው ባለድርሻ አካላት ጋር ቅንጅታዊ አሰራር በመፍጠር እርምጃ እየተወሰደ መሆኑን ሃላፊው አስገንዝበዋል፡፡ በቀጣይም የደረጃ ሀ ግብር ከፋዮች የሚጠበቅባቸውን ግብር በወቅቱ እንዲከፍሉና ከዚህ በፊት ያልከፈሉ [...]

ጠቅላይ ሚኒስትር ዶ/ር ዐቢይ አህመድ፣ የቀድሞው ጠቅላይ ሚኒስትር ኃ/ማርያም ደሳለኝ ፣የአዲስ አበባ ከተማ ከንቲባ አዳነች አቤቤ እና ሌሎች ከፍተኛ የፌዴራል፣ የክልሎች እና የከተማ አስተዳደሮች የሥራ ኃላፊዎች በአርሲ ዞን ሔጦሳ ወረዳ በኩታ ገጠም የለማ የስንዴ ማሳን ጎብኝተዋል። በጉብኝቱ ከንቲባ አዳነች አቤቤ ከዚህ ቀደም ለእርሻ ያልዋሉ አካባቢዎችን በማልማት ተስፋ ሰጪ ውጤት እየተመዘገበ መሆኑን መመልከታቸውን ገልጸዋል ። በአርሲ ዞን ብቻ በምርት ዘመኑ ከታረሰው 680 ሺህ ሔክታር መሬት ውስጥ 388 ሺህ ሔክታር ያህሉ በኩታ ገጠም የለማ እንደሆነ ጠቅሰው ይህ ለዘርፉ ትልቅ ጅማሮ ነው ብለዋል። የግብርና ምርታማነትን በማሻሻል በምግብ ራሳችንን የምንችልበት ጊዜ ቅርብ ነው ሲሉም ከንቲባዋ ተናግረዋል ። በዚህ ውጤታማ ሥራ ውስጥ ክትትል እና ድጋፍ አንስቶ [...]

የአዲስ አበባ ዩኒቨርስቲ ለ 72ኛ ጊዜ በተለያዩ የትምህርት መስኮች ትምህርታቸውን የተከታተሉ ከ 6ሺህ በላይ ተማሪዎቹን በዛሬው ዕለት በወዳጅነት ፓርክ አስመርቋል ። የአዲስ አበባ ከተማ ከንቲባ እና የዩኒቨርስቲው አመራር ቦርድ ሰብሳቢ ወ/ሮ አዳነች አቤቤ ለተመራቂዎች ፣ ለተመራቂ ቤተሰቦችና ለዩኒቨርስቲው መምህራንና ሰራተኞች እንኳን ደስ አላችሁ መልዕክት አስተላልፈዋል ፡፡ ከንቲባ አዳነች አቤቤ ባስተላለፉት መልዕክትም ተመራቂዎች ኢትዮጵያ የልጆቿን ሁለንተናዊ ድጋፍና መልካም አስተዋጽኦ በምትሻበት በዚህ አዲስ የታሪክ ምዕራፍ በጀመረችበት ወቅት መመረቃችሁ ድርብርብ ኃላፊነት እንዲኖርባችሁ አድርጓል ብለዋል። በመሆኑም በምትሰማሩበት የስራ መስክና የህይወት መንገድ የአገራችሁን ፤ የህዝቦቿን ተጠቃሚነት እና ኑሮ መሻሻል ለማረጋገጥ በርትታችሁ እንድትሰሩ የአደራ መልዕክት አስተላልፈዋል ፡፡ መጪው ጊዜ በመደበኛ ትምህርት ያካበታችሁትን እዉቀት በተግባር ምዕራፍ የምትገልጡበት እንዲሆን [...]